2005-04-02T15:37:00.000Z

Andskot! Og ég sem vaaaar að koma úr klipppingu!

Ég man ekki eftir að hafa meitt litla hunda....

En, þessi próf ljúga ekki.

You scored as Cruella De Ville. Your alter ego is Cruella De Ville! You hurt little puppies and have bad hair... shame on you!

Páskahelgin

2005-04-02T14:08:00.000Z

Já... nú eru FRÁBÆRIR Páskar liðnir... og meira að segja svolítið síðan... :)
En eins og þið lesendur góðir vitið þá fór mín á Ísafjörð með Kollu í broddi fylkingar... eða öfugt. Veit ekki hvort á við :). Ég var búin að tala um að við yrðum sóttar en svo varð víst ekki reyndin. Helvítis vélin var biluð... en gellur eins og ég og Kolla látum ekki svoleiðis smáræði koma í veg fyrir Djamm. Að miðnætti á skírdag.. héldum við Stöllur af stað keyrandi í átt til Ísafjarðar... vitandi ekkert hvað beið okkar :) Það skal tekið fram að þann sama dag var ég búin að ferðast til Hornafjarðar og til baka aftur... En þar var ég í góðu geymi hjá Áróru frænku minni sem var að fermast... bara svona fyrir þá sem ekki vita. Nóg um það....
Við vorum all spenntar og hressar þegar við lögðum af stað og vorum með þá hugmynd að keyra bara um nóttina alla leið.. svo við gætum sofið um daginn og djammað um kvöldið en... það var ekki alveg að virka... við stoppuðum því á Akureyri... sváfum aðeins og lögðum svo af stað... Við vorum voða fegnar að hafa ekki keyrt alla leið þar sem við þekktum ekkert til á þessum hluta landsins og vegirnir ekki uppá sitt besta.... Eins og Hrafndís komst svo skemmtilega að orði.... Vestfirðingar eru svoooo að láta ríða sér smjörlíkislaust í rassgatið hvað varðar vegakerfi....:) og mun ég hafa þessa setningu eftir hvar sem ég kem. Hehe.. en.. nóg með það...
Þegar á Ísafjörð var komið var hafist handa við drykkju :) (ég að vísu byrjaði á Hólmavík... bara svo ég segi alveg satt og rétt frá).... og það verður að segjast eins og er að þessi helgi einkenndist ekki af neinu öðru... Þetta var alveg meiriháttar... og til þess að gera lengri sögu stuttu þá var þetta einhvern vegin svona....

Föstudagur:
Drekka... djamma... drykkjuspil... partý... ball hjá sumum, aðrir gerðu eitthvað annað :)...

Laugardagur:
Tækún... Skoðunarferð... snúðar á Núpi í Dýrafirði... sofa... drykkja...rokkhátíð.. djamm... drykkja... smá vesen... okkur hent út... Riddarinn mættir og tekur okkur uppá arma sér... en hendir okkur LÍKA út... BARA FYNDIÐ...skriðum með skottið á milli lappanna til baka.. fengum að gista.... :)

Sunnudagur:
Flúðum á Bolungavík... Hrafndís á Hólmavík... Borðaði Páskamat hjá Línu frænku (hennar Kollu)... mikil gleði.... Drykkja.... Djamm... Partý og Ball í Sjallanum...

Mánudagur: leti dagur... bara sofið

Þriðjudagur... Við tókum saman föggur okkar og héldum heim á leið.

Að baki er skemmtileg helgi á Vestfjarðarkjálkanum... og það má alveg skoða Páska 2006 á Ísafirði. Er þaggi??? Bara sem flestir að mæta...

En... svona í lokin...
Lag helgarinnar er... Endaþarmsmök...
Setningar helgarinnar eru... Þarna þekki ég þig sykurpúði J...og Æv got funges in mæ vegæna J

Sérstakar þakkir fá...
Hrafndís fyrir að hafa dregið okkur í vitleysuna... Pabbi fyrir að redda málunum... Guðmundur fyrir að hýsa okkur.. allavega í einhvern tíma :)... Ívar "bróðir Guðmundar" fyrir að vera alltaf með Partý og ALLA drykkjuleikina... Kjartan fyrir... ja að henda okkur út aftur :)... Snorri fyrir að vera æðislegur... Mellurnar fyrir partý... Mugison fyrir góða Rokkhátíð og síðast en ekki síst hún Lína frænka fyrir að vera æðisleg :) Lína hlaut líka verðlaunin SYKURPÚÐI helgarinnar.

En jæja... þetta er gott... ætla ég að hætta þessu. Þetta er að verða alveg of löng færsla :)

Abba “í ruglinu” kveður að sinni.

Aldrei fór ég suður :)

2005-03-22T01:06:00.000Z

Já... góðir hálsar... hér ætla ég að vera

Jú.. hún Hrafndís sem ég elska svooo mikið ætlar að koma og ná í mig og Kollu Hólm... :) Fljúgandi... já... flúgandi... Við erum að tala um að... á föstudaginn langa klukkan eitt verður Hrafndís og Kalli flugmaður á Egilsstaðaflugvelli... með fulla vél af áfengi að sækja mig... :)
Það þarf svo sem ekki að segja neitt meira... Þetta verður alveg örugglega ein sú rosalegasta ferð sem ég hef farið í...
... í fyrsta lagi... þá er ég pínu flughrædd... og já þetta er 4 sæta rella eða eitthvað... og í örðu lagi... ég hef aldrei komið á ísafjörð... fyrir utan að þarna verður fullt af fólki... og mikið gaman... þanngi að ég segi bara... Ísafjörður hér kem ég :)

Abba "spennta" kveður að sinni...
kem með nákvæma ferðasögu að helgi lokinni :)

Ein í höllinni!

2005-03-20T20:24:00.000Z

Góða kvöldið! Það er ekki laust við það að ég sé hálf einmana svona á sunnudagskvöldi þegar allir hafa yfirgefið mig! Abba og gullmolinn minn fóru sem sagt austur á fimmtudaginn síðasta, Ellan mín fór í gær, Hildur farin í sveitina sína og Anna neighbour er á Húsavík! Sei sei já...þetta er ekki sniðugt, ég veit bara ekkert hvað ég á af mér að gera!!
Annars var helgin stórgóð...vísindaferð hjá Stafnbúa í KB-banka á föstudagskvöldið og eftir hana var farið upp í skóla í pizzur og bjór...svo fór ég með Steina og Kristínu í Sjallann á Fatman Scoop! Það var mjög gaman, reyndar ekkert mikið af fólki en það skiptir engu máli!! Ella mætti að sjálfsögðu hress þangað og við skemmtum okkur nú oftast mjög vel saman ;) Get reyndar ekki sagt að heilsan hafi verið mjög góð þegar ég vaknaði í gærmorgun við lætin í Steina en ég lét það ekkert á mig fá, mætti fersk í skólann kl. 1 og rumpaði af einni efnafræðiskýrslu! Svo er ég bara búin að nota tímann til að læra áður en ég fer austur til ma og pa í páskafrí eftir 2 daga....búin að vera massa dugleg þannig ég get aldeilis slappað af um páskana! Farin að hlakka soldið mikið til....sérstaklega þegar elskuleg dóttir mín hringdi í mig á föstudagskvöldið og tilkynnti mér að Katrín frænka (sem sagt stóra syss sem býr í Aþenu) væri komin heim - surprise ferð á klakann okkur öllum til mikillar gleði og ánægju!!! Jei!!! Hlakka ekkert smá mikið til að hitta hana, hef ekki séð þessa elsku í næstum 2 ár :S Þannig það verður bara stuð :D Fyrir utan það auðvitað að hitta ma & pa og litlu bræður mína...og litlu systur og Anítu sem mér finnst ég ekki hafa séð í 3 mánuði en ekki 3 daga!

Í síðustu viku var hringt í mig og staðfest að ég væri komin með vinnu í sumar! Mánudaginn 16. maí mun ég sem sagt byrja að vinna í Þjónustuveri Landsbankans eins og síðasta sumar. Það verður án efa mjög gaman...snilldar konur sem vinna þar :)
Hef svo sem ekkert meira að segja ykkur....það er bara allt frábært að frétta....eða ég er allavega voðalega jákvæð og lífsglöð þessa dagana! Enda þýðir ekkert að eyða tímanum í eymd og volæði og vorkenna sér út af ekki neinu!
Jæja.....drífa sig í að gera e-ð á meðan ég er uppfull af orku og gleði!
Þangað til næst.....njótið lífsins og gleðilega páska ;)

Auður hin lífsglaða :)

2005-03-17T10:37:00.000Z

Þunglyndisgeðsýkisstraumur

Hver veraldleg endalaus ásjón
sem auðvitað fegrar þitt trýn.
Að bera sig saman við hinn Jón
annan en séra og sýn.

Það er ekki allskostar auðvelt
að endalaust eiga sér draum.
Fegurðardrottningar torvelt
fá þunglyndisgeðsýkisstraum.

Hvernig stendur á því að við erum komin inn i 21. öldina og það er ennþá keppt í fegurð?
Ég bara hef enn ekki hitt þann sem ákveður hvað er fegurð og hvað ekki. Vildi gjarnan hitta hann og spyrja hvað honum fyndist um mig. Eða mömmu mína!
Ég hef enn ekki gerst svo fræg að borga fleiri þúsundir króna inn á fegurðarsamkeppni til að horfa á gripasýningu og slafra í mig mat og víni með því.
Fegurðarsamkeppni er svo "last year".

Ég gef Möggu Döggu sjö búdrýgindaprik fyrir að hafa hafnað boði um þátttöku í þessari dæmalausu vitleysu.

Hrafndís, örugglega bara bitur því hún er ekki "falleg".

Ljóð

2005-03-10T21:49:00.000Z

Jæja gott fólk...
Ég er alltaf að reyna fyrir mér á sviði ljóðlistarinnar... og ætla þess vegna að deila með ykkur ljóði sem ég samdi rétt í þessu :)
Ég hef alltaf haft gaman af ljóðlist en hef ekkert verið að gera í því, en nú ætla ég að láta verða eitthvað úr þessu :)

En ljóðið hlaut nafnið:

Í dag

Í dag var ég ánægð,
í dag var ég glöð.
Í dag var ég sorgmædd,
í dag var ég gröð.

Í dag hef ég hlegið,
og grátið í senn
í dag hef ég legið
og ligg hérna enn.

Í dag hef ég lært
að lífið er svona
í dag hef ég ært
andskot’ ég er kona

Það fylgir kannski ekki settum reglum en það verður að hafa það :) Þannig að....
endilega commentið á helvítið... Læri af því....

Kveðja
Abba "skáld"

Árshátíðin

2005-03-08T20:37:00.000Z

Jæja góðir hálsar! Þá er árshátíðin og allt sem henni fylgir afstaðin og ég get ekki annað sagt en að þetta hafi verið algjör snilld :) Undirbúningurinn hófst snemma heima hjá Heiðu, vinkonu Öbbu þar sem við vorum búnar að ráða til okkur förðurnarfræðing og hárgreiðslumeistara ;) Enda var það umtalað að við stöllurnar höfum borið af þetta kvöld ;) Fórum svo í Sjallann upp úr 7 í fordrykk og skemmtunin hófst svo stuttu seinna! Ég var svo heppin að fá að sitja hjá henni Hildi minni með stjórn FSHA en þar voru ekki ómerkari menn en rektor skólans, Óskar Pétursson heiðursgestur og Villi Bingó, veislustjóri! Svona í heildina litið var þetta frábær skemmtun, Villi reitti af sér brandarana, Óskar Pétursson var frábær og rektor lét alla grenja úr hlátri...eða tja...allavega var þetta svona í mínum heimi...veit svo sem ekki hvað öðrum fannst um þetta allt saman :) Svo voru skemmtiatriði frá öllum deildum og þá fannst okkur Hildi nú alveg brilliant hugmynd að láta alla Stafnbúa standa upp á stól og klappa á meðan okkar atriði var...og okkur tókst það! Strákarnir "okkar" klæddu sig í kvenmannsföt og dönsuðu...öllum til mikillar lukku!! Eftir borðhaldið var svo ball með Skímó og þetta var bara allt saman mjög skemmtilegt! Get samt ekki sagt að heilsan hafi verið sérstaklega góð þegar ég vaknaði morguninn eftir...en ég náði nú að hrista það af mér áður en mamma mín, amma og afi komu með gullmolann minn sem var fyrir austan á meðan ég fór suður :)
Síðan þá er bara búinn að vera endalaus skóli...allt að verða kreisí þar og ég býst við að það verði þannig þangað til ég fer í páskafrí eftir tvær vikur!
Allavega....þetta blogg var tileinkað þér Þóra mín þar sem þú varst sú eina að heimta að fá að vita e-ð um árshátíðina ;) Fyrir frekari details þá veistu númerið mitt :p

Hafið það gott...
Auður

Góð Helgi....

2005-03-02T17:37:00.000Z

Já... þetta var alveg brilliant helgi....

Föstudagur...
...hófst á prófi í Aðferðafræði... sem gekk vel :)
Eftir prófið var svo skundað í bakaríið við brúnna með snillingunum, Grétu, Heiðu, Hauki, Röggu og Sólveigu. Það var stuð... við hlógum allavega mikið.
Svo var komin tími til að fara í sálfræði... en sökum veðurfars var kennarinn ekkert að láta sjá sig... eða svo segir sagan... en ég hef mínar eigin kenningar um það :) hehe
Víst að ekki var tími... hélt ruglið áfram og ég, Heiða, Haukur og Sólveig fórum á Kaffi Amour og fengum okkur kaffi... þar var stuðinu haldið uppi með aulabröndurum... Það var gaman... ég hef nebbla svo gaman að þeim :)
Kvöldið tók við... Kjéllan var edrú að keyra... í mat til Hildar... sem var frábær...á fund... til hildar aftur... á Skakið... út í þelamörk... á Skakið aftur... og svo heim með viðkomu á nokkrum ónefndum stöðum :)

Laugardagurinn rann upp...
Og ég tek ákvörðum um að fara austur... með dyggri hjálp frá Hrafndísi....kem öllum á óvart... treð mér í mat hjá mömmu... fer í partý til Helenu... á Klúbbakvöld á Krappinu... Drekk fyrir ALLAN peningin... gerði allt af mér... fer í partý hjá Hólmurum... og þaðan í PARTY-ið í bílskúrnum hjá Hrafndísi... :)

Sunnudagurinn.... úfff
Hann var ömurlegur... Þynnka frá helvíti... ég átti meira að segja erfitt með að tala :/
Dröslaðist samt í snúða-kaffi til Steina um átta leytið... og þaðan í smá kaffi til Sigríðar og svo aftur heim.

Mánudagur...
Heilsan er góð...
heim var haldið...

Þriðjudagurinn tekur svo við... með flensu...

Miðvikudagur... enn með flensu...

Framundan er....
Árshátíð Háskólans á Laugardag... Casiono þema...

En jæja... þetta er orðin ágætis skýrsla í bili...

Abba "Horgemlingur" kveður að sinni.

Borg óttans

2005-02-28T20:51:00.000Z

Síðasta helgi var ein besta helgi sem ég hef upplifað lengi! Byrjaði á því að við héldum kappafund þar sem Hildur elskan bauð okkur í mat...sem sagt mér, Ellu og Öbbu...algjör snilld hjá henni, takk fyrir það elskan :* Raggi, Dóri, Ási og Lára kíktu svo þangað og horfðum við á Idolið hjá henni. Leiðin lá svo í bæinn þar sem við hittum nokkra snillinga frá Hvanneyri, þ.á.m. Guffu og kærastann hennar, Helga. Við tjúttuðum svo á Kaffi Ak. fram á nótt, kíktum reyndar líka aðeins á Dátann en það var nú ekkert rosalega gaman þar!! Allavega....snilldar kvöld í alla staði og margt kappalegt framkvæmt ;) En kannski best að vera ekki að opinbera það hér!!! Á laugardaginn átti ég svo flug til Rvk. kl. 3....var hálf fegin að það var ekki flogið vegna þoku því heilsan var ekki alveg upp á sitt besta :S Hausverkur fyrir allan peninginn!! En um hálf 6 þurfti ég samt að mæta á völlin...fór með rútu yfir á Húsavík og þaðan með flugi til Rvk....skemmtilegt ferðalag þar!! Þegar ég kom suður fór ég beint til hennar Þóru minnar þar sem var bekkjar reunion...við 4 sem vorum saman í Hallormsstaðaskóla hittumst og áttum mjög notalega kvöldstund saman! Þóra snilldar kokkur eldaði fyrir okkur og svo vorum við bara að spjalla og rifja upp gamla tíma...hlægja soldið og já...bara hafa það gaman!!! Seint á laugardagskvöldið uppgötvaði ég svo það versta...þar sem ég var í frekar miklu móki þegar ég fór í flugið gleymdi ég að merkja töskuna mína....og fattaði það sem sagt að ég hafði tekið vitlausa tösku og var ekki með neitt nema föt af eldri manni :S Frekar slæmt...en samt fyndið!! En ég fékk nú töskuna mína aftur í gær þannig það var í lagi!!! Í gær var svo farið með mig í túristarúnt um borgina...pabbi Þóru og litli bróðir hennar fóru með mig í Perluna, Þjóðminjasafnið, Hallgrímskirkju og e-ð höggmyndasafn....mjög skemmtilegt!! Í gærkvöldi skelltum við Þóra okkur svo í bíó á myndina Closer...alveg fínasta mynd og Jude Law alltaf jafn fallegur :) Í morgun byrjaði svo þrældómurinn....var mætt kl. 10 í Prokaria þar sem fram fer verkleg kennsla í sameindaerfðafræði út þessa viku!!! Mjög skemmtilegt!

En ætla að fara að gera e-ð gáfulegt eins og t.d. að læra smá fyrir morgundaginn....Hafið það bara öll gott!

Kv. Auður - Kappi í borginni!

Helgi dauðans

2005-02-24T17:01:00.000Z

Þetta var ein sú allra besta helgi lengi... Það er alveg satt Hrafndís mín :)
mikið gaman mikið fjör...
Helgin fjaraði út... og við tók... vika full af lærdómi... verkefnum, prófum og ég veit ekki hvað og hvað :)

Ég hef svo sem ekki frá neinu skemmtilegu að segja... Er búin að vera að stúdera Afbyggingu í dag... og ég hef komist að því að ég veit alveg afskaplega lítið um Heimstyrjaldir, stríð, pólitík og hvað annað sem kemur þessu við... Og þar sem ég er afspyrnu léleg að lesa mig til um eitthvað svona... þá auglýsi ég hér með eftir einhverjum sem langar að útskýra þetta allt saman fyrir mér... það er miklu skemmtilegra að fá þetta svona life...

Ég er samt að hugsa um að hætta þessu... Því með þessu áframhaldi verður þetta leiðinlegasta bloggfærsla ever :)

Eitt svona heimspekilegt að lokum....
Hvernig veit ég... að ég veit???

Abba... enn á náttfötunum... kveður að sinni.
Kviss bang bung

2005-02-21T21:29:00.000Z

Brjáluð helgi liðin með balli og öllu tilheyrandi. Og auðvitað er það mestmegnis Öbbu að þakka.

Þetta hófst allt á fimmtudegi þegar við ákváðum að mæla okkur mót á Kaffi KHB, ég og Abba. Mögnuð stemming og endaði auðvitað í bjórdrykkju. Mér bar nú senn að framkvæma gjörning til að geta gengið í Kappafélagið góða og var mér úthlutað því krefjandi verkefni að míga utan í löggustöð. Gjörði því svo. Að Öbbu viðstaddri svo hún gæti úrskurðað mig fullgildan kappa. Urðum pissfullar, enduðum heima hjá mömmu hennar þar sem ég eldaði hádegismat litla bróður hennar og át með bestu lyst! Takk Kristinn Bjarni.
Næsti dagur fór mestmegnis í svefn og aðgerðaleysi heima hjá Öbbunni og auðvitað fór ég með hana og Kristinn í Seilskeil um kvöldið og gaf þeim að éta. Skuldaði honum víst máltíð.
Idol var svo málið á KHB Kaffinu og síðar var það vinna fyrir mig, Áfengi fyrir Öbbu. Eftir vinnu, keyrði ég svo Öbbu í mission upp í bústað og segi ég ekkert frekar frá því. Nema bara að ég beið á meðan hún kláraði það frá. Fórum um hádegisbilið.
Laugardagur! Papaball og ég á að vinna. Hvað á konan að gera. Ég, Ella og Abba eyddum löngum tíma í aðgerðaleysi og rugl heima hjá Öbbu og ég varð bitrari og bitrari eftir sem leið á daginn. Hrafndís heiti ég Bitterness Einarsdóttir. Segi bara eins og Ella; Fari það í grængolandi opið hurðarlaust logandi helvíti!
Byrjaði kvöldið samt á að fara með Ellu í teiti til Krissa þar sem ég tók nokkur pútt og reyndi við Inga minn. Hélt svo í vinnu. Var held ég óþarflega bitur og leiðinleg við Ásu mína og verð bara að biðjast fyrirgefningar á því. En þegar allt liðið var horfið á braut og fjöldi viðskiptavina var 4 þá fór ég í verkfall. Skrifaði: ÉG VIL FARA Á PAPABALL. á miða og festi á bringuna á mér, hnullaði mér í sæti hjá Kára og Andra og hreyfði mig ekki fyrr en Ása gaf grænt ljós á að ég mætti fara. Þá var klukkan um eitt.
Skundaði á ball og skemmti mér kappalega að kappa sið. Fæstir sem trúðu áfengisleysi mínu.
Eftir ball smalaði ég Öbbu og Ellu út í bíl og tókum Krissa traustataki, fórum með hann heim og létum hann gefa okkur að éta því það var nú einu sinni kominn konudagurinn. Hann gerði svo og við stöldruðum við góða stund. Nóg til að Ella sofnaði, Abba sms-aði af sér fingurna og ég að vinna Krissa tvisvar í golfboccia. Má víst ekki segja meir frá því en getið ábyggilega fengið hann til að útskýra málið. Eftir að hafa tekið bongótrommuna hans traustataki í góða stund og við öll hlegið mikið var kominn tími á heimför en þá var ómögulegt að vekja Ellu. Og hún hafði sett bíllyklana á góðan, ófinnanlegan (er þetta orð?) stað. Svo Krissi, án þess að þekkja okkur svo mikið, lánaði okkur bara sinn. Skoda Octavia 2.0, keyrða litla 7 þús km. Það var gleðilegt.
Sunnudagur leið svo í rólegheitum eftir að ég var búin að skila kagganum. Sótti son minn og skrapp á Kaffi KHB og vann svo um kvöldið...
Að lokum kom mánudagur, bara svona upp úr þurru.

Þeir sem voru á balli en ég átti ekki von á að sjá:
Gréta Bezt. Eða, þeas, þá sjaldan sem ég sá hana. Hún er svo lítil og svo hreyfðist hún svo hratt.
BúiNN. Veit ekki hver það er, en hann sagðist vita hver Hafrún systir væri.
Sveinn. Jújú, hann hefur verið þarna áður en í þetta sinn ekki að keyra fyrir Grétu, Gunnu og Sollu.
Palli frændi. Var þarna gleðilega og varð "ekkert" ölvaður.
Eddi frændi. Það fannst mér merkilegast. Allra allra merkilegast.

Setningar helgarinnar:
"Seventeen satan children of Thorbjörn"
"Weinersnitsel"
"Fari það í grængolandi opið hurðarlaust logandi helvíti"
"legkaka...."

Flest ef ekki allt í boði Ellu formanns Kappafélagsins.

Margt fleira forvitnilegt skeði þessa helgi sem er bara ekki hægt að setja hér inn.

Sérstakar þakkir til Ístaks-strákanna! :)

Hrafndís, kappi sem fór á Papaball!

Kettir eru viðbjóður!

2005-02-16T20:38:00.000Z

Ég er farin að halda að kennurum Háskólans á Akureyri sé illa við mig! Ég er sem sagt í einum áfanga sem kallast örverufræði og á hverjum mánudegi þurfum við að gera verklegar æfingar. Á síðasta mánudag mætti mín galvösk í tíma, vitandi það að við þyrftum að fara að gera tilraun með umhverfissýni...hóparnir fengu sem sagt hey og e-ð þannig....nema ég og minn hópur....við fengum kattarskít!! Jájá...þetta er lítið grín...þessi vika, helgin og næsta vika fer sem sagt í það að rækta kattarskít á mismunandi vegu og finna sem mest af bakteríum í honum. Þetta er vægast sagt viðbjóður!!! Get allavega ekki sagt að ást mín til katta hafi e-ð aukist við þetta!
Annars er mest lítið að frétta....var reyndar að kaupa bíl sem elskuleg móðir mín færði mér um síðustu helgi...þennan líka gullfallega Yaris :) Stefnt er á rólega helgi...það virðist sem allir ætli að yfirgefa mig, annaðhvort austur, suður eða bara whatever! Og ég get jú ekki farið neitt þar sem ég þarf að fara í skólann bæði laugardag og sunnudag :S En vonandi get ég bara notað tímann vel til þess að læra...veitir ekki af ;)
En já...ætlaði nú bara að láta aðeins í mér heyra....best að halda áfram að massa fyrirlestur fyrir föstudaginn!

Þangað til næst....hafið það gott og verið góð við allt og alla ;)

Auður lærdómshestur

Titill smitill

2005-02-15T02:33:00.000Z

Já... helgin er liðin og hún var nokkuð erfið...
Þó ég hafi verið búin að tilkynna þetta sem station helgi... þá varð hún eila bara að svona Station light...
Ég sem sagt skrapp út á föstudagskvöld og drakk nokkra bjóra... það var ljúft... en engin brjáluð stemming... kom heim... náði að sofa í 4,5 tíma eða til 8... af hverju??? Jú, ég var að fara að passa strákana mína, Oliver og Aron... Sigga syss var nefnilega í sínu mánaðarlega trippi til Hríseyjar, þar sem hún fegrar Hríseyinga með faglegu handbragði sínu :)
Þar var ég til níu um kvöldið... Og ekki leið á löngu fyrr en ég var komin með bjór í hönd :)
... endaði í Sjallanum á Jet Black Joe í boði Steina ;) Takk fyrir það Steini.
Þetta var alveg ágætt... en ekkert æðislegt... Þeir voru eila ekki að gera neina góða hluti... er mér sagt :) hehe
Var svo komin á fætur um hádegi á sun... til að hitta sponserinn minn... úff.. hvað það var erfitt... en ég læt ekki smá þynnku stoppa mig.
Niðurstaðan á öllu þessu var því ekkert nema svefnleysi... gerði ekki einu sinni neitt af mér... hvað er það?????
...að maður skuli leggja þetta á sig :)

... Annars leikur lífið við mig...

... Afi var samt að tala við mig á msn um daginn... jább...msn... kallinn er orðin tæknivæddur :) en hann hefur miklar áhyggjur af karlmannsleysi mínu... sagði bara að konur komnar á þennan aldur væri eila farnar að pipra... og eila bara svolítið mikið.
Ég verð nú að segja að... það er orðið frekar slæmt þegar afi manns er farin að hafa orð á því... hvort maður ætli bara ekkert að ganga út... eða er það ekki????

En svona er þetta nú bara..... þangað til næst...

Abba... pipartélling með meiru...

Jæja þá....

2005-02-10T20:05:00.000Z

Jæja...
Á Eikei er lítið að gerast... þessi vika hefur alveg farið í lærdóm. Ég er sem sagt að fara í próf á morgun í áfanganum Afbygging 20. aldarinnar... og eins og nafið eitt segir til um þá er hann ekkert rosa spennandi að mínu mati... Það sem sagt snýst allt um einhverja isma... og þar fram eftir götunum.

Helgin á samt eftir að verða góð...
Planið er að taka eina station helgi... Jet black joe í sjallanum og örugglega eitthvað að gerast á annað kvöld þannig að eftir helgi verður maður kannski með einhverjar krassandi sögur... ég allavega vona það.
Alltaf þegar Hildur kappi er með í för þá gerist eitthvað skemmtilegt :)

Það er vert að nefna það að við erum búnar að stofna KAPPA-félag við stelpurnar... EllaGella er formaður... Hildur kappi númer 1 , ég númer 2 og auður númer 3.
Þetta er sem sagt stelpu-kappa-félag... og til að fá inngöngu þarf maður að hafa gert, eða gera einhverja mis gáfulega hluti sem allt er skráð í svörtu bókina :)
Það eru fundir 1.sinni í viku þar sem golden moment eru rædd... og e-ð svona skemmtilegt :)
Svo eftir svona 10 ár þegar við höfum allar lagst í helgan stein og erum orðnar virtar persónur í þjóðfélaginu þá munum við hittast og rifja þetta allt saman upp... og sjá hvað við vorum klikkaðar :) og ég meina hver hefur ekki gaman að því....

Þetta er svona það helsta sem ég man í augnablikinu... best að hætta í ruglinu og fara að gera eitthvað af því sem maður ætti að vera að gera... eins og að lesa fyrir próf... þó svo að stefna sé ekki tekin á meira en fimm þá verður maður að vera viss með það... þetta er nebbla á ensku allt saman og ég þarf að svara á ensku og ef þið vissuð það ekki þá sökka ég í ensku... og hvað þá að skilja einhverja isma... á forn-ensku...

þannig...
þangað til næst...
Love all, serve all....

Abbalabbalá.... :*

2005-02-03T16:12:00.000Z

Ég afrekaði það í gær að fara úr náttfötunum í fyrsta skipti síðan á sunnudag, taka til í húsinu (skúraði líka) og þrífa bæði mig og barnið mitt. Þvílíkur unaður að vakna í morgunn!

Hrafndís, með hreina sál...

Læt ekki mana mig oftar ;)

2005-02-02T22:57:00.000Z

Sæl veriði öll sömul! Jújú...mikið rétt....þetta er grindhoraða mellan hún Auður sem talar...hef ákveðið að láta undan hópþrýsting frá sambloggurum mínum ;)
Allavega...ég ætlaði nú aldeilis að koma með slúðursögur af ballinu hingað inn...en Abba sá um það að mestu leyti í gær! Þetta var samt ágætis ball, troðinn Sjalli, fullt af skemmtilegu fólki...dáldið af leiðinlegu fólki, passlega mikið bögg og já....hin besta skemmtun bara :)
Annars gengur lífið bara sæmilega hér á Eikei...það er mikið að gera í skólanum og snýst líf mitt aðallega um það að kanna áhrif hita, sýrustigs og salts á vöxt E.coli, títra natríum þíósúlfat, kanna áhrif sótthreinsiefna á bakteríur....og já...þetta er allt saman jafn skemmtilegt og það hljómar!
Uuuu....var búin að hugsa upp fleira af merkilegu til að deila með ykkur...en er búin að gleyma því öllu saman þannig ég er að hugsa um að drífa mig bara í rúmið svo ég geti nú vaknað snemma í skólann í fyrramálið ;) En...lofa að það verði ekki mjööög langt þangað til næst ;)

Grindhoraða mellan kveður að sinni....

Titill smitill

2005-02-02T01:13:00.000Z

"Jáhá.. ég mana... ég segi og skrifa... ég mana..."
Ég læt nú ekki segja mér það tvisvar :)

Það er satt sem konan segir... á Sálarball fór ég um helgina... Af því balli er ekki um neitt annað að segja nema að það hafi tekist með ágætum vel. Staðurinn var alveg troðfullur... Uppselt á dansleikinn og það þarf asskoti mikið til þess að sjalla-menn hætti bara að troða... En þetta heyrir maður...
Ég fátæki námsmaðurinn átti ekkert... einhvern vegin brást það ekki að alltaf og þá meina ég ALLTAF var mín með eitthvað í hendi sér... ef það var ekki dós þá var það peli... ef það var ekki peli þá var það glas... ef það var ekki glas þá var það tóbak... og ef það var ekki tóbak þá var það karlmaður. Já ég er að segja ykkur að í æðum mínum rann hreinn spíri... :) ... ég veit ekki alveg hvort ég er stolt af þessu... en það er gaman að segja frá því :)
Ég held því náttúrulega fram að ég hafi verið ein sú skemmtilegasta... og því hefur enginn þorað að neita. Enda er ég komin af afbragðsfólki eins og þið vitið....Hehe
Í fréttum er þetta annars helst...
... það var bakkað á kaggann í dag :( Sem betur fer.. var það ekki alvarlegt... stuðarinn losnaði bara aðeins... Hjúkkert... má ekki missa þessa drossíu, sem kemur mér og öðrum heimilismönnum á milli staða hvernig sem viðrar :)
... Auður þykist alltaf vera svo busy... Talar um að afvatna þíósúlfat og títra til ákvörðunar kristalvatnsins í loftþurrkaða þíósúlfatinu... Já ég veit... ekki spyrja mig... ég skil þetta ekki heldur...
..OG... uuu... uuu... uuu... Já... þetta var það helsta og þar sem mér
dettur ekkert meira í hug í augnablikinu ætla ég bara að ljúka þessu með einum góðum sem ensku kennarinn hennar Ellu sagði henni og hún sagði mér og þúst... ég segi nú...

Buiness-konan var spurð að því hvað hún myndi gera ef hún væri föst á eyðieyju með 30 gröðum karlmönnum???
Kjéllan svaraði... Ég myndi príla uppí tré og berja frá mér.
Þá var húsmóðirin spurð... hvað myndir þú gera ef þú værir föst á eyðieyju með 30 gröðum karlmönnum????
Hún svarar... Ég myndi bara biðja til guðs.
Þá var mellan spurð... hvað myndir þú gera ef þú værir föst á eyðieyju með 30 gröðum karlmönnum???
Mellan hugsaði sig um í smá stund og sagði svo...
Okei... ég skil spurninguna... en fatta ekki vandamálið....
Hehehehehehehehheheh
Góður... ekki satt... :)

Abba skrifar... eftir að hafa verið mönum... og hér með manar Auði :)

2005-02-01T08:55:00.000Z

Hvað er um að ske?!?

Ég fer að halda að stöllur mínar og þá sér í lagi Auður, hafi bara ekki frá einu né neinu að segja, geri ekkert af sér og sinni bara námi og heimili daginn út og inn. Þeas ef ég vissi ekki betur. Konurnar fóru nú að ég best veit á Sálarball um helgina en samt hef ég enn ekki séð slúður, logið eða satt hér á þessari síðu.
Ég mana, segi og skrifa MANA, þær báðar til að hvítljúga einhverju kræsilegu hér um sauðsvartan almúgann, sem við umgöngumst of mikið. Þetta AHA samfélag hefur skyldum að gegna gagnvart íbúum þess og við erum senn að bregðast því truasti sem okkur er sýnt.
Eða ekki sýnt, því hér hefur ENGINN látið vita af komu sinni, hvorki á skrifborði, í kommenti né á gestabók, nema Bogga elskan.
Vér mótmælum!

Annars er það af mér að frétta að ég hef engann tíma til að blogga. Undirbúningur að Þrístolnu blóti er í fullum gangi og er ég komin með meira en nóg að gera þar. Sérstaklega þar sem pápi, karl faðir, Pálsson, Spotti, eða eins og ég kalla hann núna, déskotans djöfull, gaf okkur upp á bátinn og eftirlét mér annálsskrif og annan hroða!
Þar fyrir utan styttist óðum í klúbbekeppni á Café KHB og erum við allar flottustu gellurnar í bænum búnar að stofna Zkvísuklúbb. Á Zkvísuztuði eitthvert laugardagskvöldið í febrúar munum við gera allt vitlaust og þurfum við líklegast að láta vita upp á heilsugæslu þar sem það verða ófá tilfelli hjartaáfalls þessa ókomnu nótt.

Hrafndís, hvar eru allir hinir?

Þorrablót eða hænsnahrat?

2005-01-24T21:04:00.000Z

Ég fór á þorrablót á laugardaginn var. Þorrablót Arnarneshrepps. Ég hef farið einu sinni áður og þótti bara mjög gaman. En það var annað mál á dagskrá í þetta sinnið.
Ekki halda samt að ég hafi ekki skemmt mér. Alls ekki. Ég og Dóra, góðvinkona mín síðan ég vann á þvottahúsi FSA, höfðum manna hæst, sungum hástöfum (hvort sem það var verið að syngja eða ekki), trölluðu,m og hlógum og vöktum á okkur almenna athygli... Ef ekki bara meiri en nefndin gerði. Enda voru atriðin þeirra í lakara lagi. Ekkert eins og á Dalnum góða.
Hvort sem þú trúir því eða ekki þá var ég edrú þessa kvöldstund. Þess vegna lenti ég í smá bobba þegar ég var búin að borga mig inn og mér boðinn fordrykkur (sem var eina áfengið sem var veitt, samt borgaði ég 4100 kr). Ég hváði og sagðist ekkert vera að drekka. Þau voru snögg til og buðu mér óáfengt. Ég hugsaði mig um, þáði vel heitt rommið og sagðist heldur vilja áfengið þar eð ég greiddi háa fjárhæð fyrir. Og skellti vökvanum í mig.
Svo settumst við að borðum og fórum að bíða spennt eftir matnum. Loks kom hákarlinn og ég og Örn félagi réðumst á hann eins og hundeltar hýenur. Við tuggðum ákfat þar til við snarstoppuðum, sortnaði um augu (ekki á góðan hátt) og spýttum góðgætinu út aftur. Þetta var ógeðslegt! Þá ekki svona gott vont... heldur viðbjóður. Hákarlinn var þrár og bókstaflega ónýtur. Þá ekki svona ónýtur góður heldur handhelvítis ónýtur og ekki hundum frekar en mönnum bjóðandi. Við grétum þetta örstutta stund en ákváðum svo að senn myndum við nú fá gott að borða. Það var misskilningur einn og allur. Þvílíkur verðandi viðbjóður og fjandans skítur. Allt saman óæti og ég endaði á að kýla mig út á harðfisk (þegar við fengum einhvern), flatbrauði og jú lundaböggum, því þeir voru þolandi. Ekkert var slátrið í trogunum og hvalspikinu hafði líklegast ekki verið dýft í sýru hvað þá annað. Líklegast var þar Keikó kominn, rekinn á fjörur niður í Sílabás. Óætt! Ekki veit ég hvaða guðsvolaða fyrirtæki bauð upp á svona hræring af kattamat en þeir sem fengu sér HÆNU og djúpsteiktar kartöflur með kokteilsósu og hrásalati virtust sáttir með sitt. Já... þú lest rétt. Á þessu annars stórundarlega blóti var boðið upp á kjúkling og franskar! Ég hélt ég yrði ekki eldri. Það er víst einhver krakkagrey sem mæta á þorrablót, drekka sig svört og æla inn á klósetti, sem geta svo ekki sporðrennt þorramatnum. Þau geta þá verið HEIMA HJÁ sér eða farið á Dátann. Þau eru ekki á réttum stað...
Loks er ég hafði yfirgnæft öll skemmtiatriði og sungið norðlenska tenóra í kaf ákvað ég að best væri að yfirgefa samkvæmið svona þegar hljómsveitin var að taka fyrstu lögin svo ég yrði ekki lamin af öðru hvorum hópnum. Var komin heim um eittleytið, svöng en sæl.

Hrafndís, þreyir Þorran að íslenskum sið... engar hænur takk!

Hvað er málið.....

2005-01-19T16:49:00.000Z

Jæja... það er bara engin hreyfing á þessari síðu..... fussumsvei.

En... af eikei er allt gott að frétta þannig. Konan er samt enn að reyna að rífa sig uppúr því að vera byrjuð aftur í skólanum og það er ekki að ganga neitt rosalega vel. Vonandi kemur það nú samt á endanum því að með þessu áframhaldi sé ég bara STÓRT F í kladdanum. :S
Verð nú samt að segja að mér líst bara vel á þessa áfanga sem ég er í nema einn... sem heitir því skemmtilega nafni Afbygging tuttugustu aldarinnar.... allt lesefni er á ensku... og kennarinn er enskur/eða já að minnsta kosti kennir á ensku. Og kannski eins og þið vitið þá kann ég ekki ensku. En ætli maður verði ekki að reyna að gera sitt besta í þessu öllu saman? Það þýðir víst ekkert annað og því síður að gefast upp alveg í byrjun. hehe
Á föstudaginn fór ég í fyrsta sálfræði tímann minn og ég er að segja ykkur að kennarinn sem bytheway heitir Pétur Tyfinningsson er alger snillingur.... við erum að tala um að í 3földum tíma náði hann að halda athygli minni ALLAF... Ég er ekki frá því að það hafi verið af því að hann er jafn klikkaður og ég... gæti verið :)
Svooo fór ég líka á djammið um helgina :) Afbragðs djamm.... þangað til að ég missti gleraugun mín á dansgólfinu og já.... sá EKKERT... en Davíð Freyr fann þau einhvers staðar útí horni.... skakkari en andskotinn :) Sem betur fer þá var hægt að laga þau svona þannig að ég get haft þau... en það var ekkert meira en það.
Nú er líka eitt annað átakið gengið í garð... er búin að sjá það að það gengur ekkert að vera feitur... þá piprar maður bara og ég er búin að ákveða að það sé ekkert skemmtilegt.
Annars man ég ekkert meira þannig....
svooo.... þangað til næst...
hafið það gott... og hey... lofa að það verður ekkert rosalega langt :)

Abba... kveður af eikei city :)

2005-01-03T19:13:00.000Z

Loksins þegar maður bloggar ákaft og ákaflega þá virðist sem fólk hafi hreinlega gefist upp.

Ég er orðin hrædd um að Auður sé enginn keppnisblogger.... Hún hefur greinilega ekki mikinn áhuga á að leika við okkur.

Hrafndís, ég er vinur þinn... langbesti vinur þinn....

Árið 2005 :)

2005-01-02T15:33:00.000Z

Halló halló
Gleðilegt nýtt ár allir saman :)

Nýja árið hasslar sér völl í hjörtum vorum með frið hamingju og hvassvirðri.... eða eitthvað....
Fann mig bara knúna til að segja eitthvað fallegt þar sem síðasti ræðumaður er eitthvað svo bitur :)
Það er ekkert títt... nema enskan er góð... ég náði og þarf því ekki að setjast á skólabekkinn fyrr en 10. jan sem er bara fallegt, já fallegt. :)
Annars hafa hátíðirnar verið með eindæmum rólegar... ég hef ekkert gert nema... ÉTA, spila, og eitthvað í þeim dúr. Svo sem ekkert að því nema það má búast við því að panta þurfi trukk til að flytja mig heim :)... en við skulum vona að það sleppi... :)

Þar sem ég hef enga skemmtilega sögu til að segja þá ætla ég að hætta þessu :).... og segja... gangið með guði :)

þangað til næst...

Bara Abba :)
Smá pæling... eftir lítil 8 ár þá verður maður kominn á fertugsaldurinn... úff tíminn líður alltof hratt :)

2005-01-02T14:25:00.000Z

Allt í lagi, allt í lagi, allt í lagi....
Ég skal blogga fyrir þig.

Það er alveg ótrúlegt hvað ég er dugleg við að muna eitthvað sniðugt til að blogga... alveg þangað til ég skrái mig inn á blogger. Enter takkinn á lyklaborðinu okkar er óminnistakki.

Annars þá hafa hátíðirnar farið rólega fram enda væri annað svik. Auðvitað fór ég á ball. Ja, eða böll. Annan í jólum og auðvitað áramótaball. Það er ekkert mikið að segja frá þeirri iðkna nema bara hvað að égh ef fengið mig fullsadda af þjónustunni í Valaskjálf. Eða réttara sagt, þjónustuleysinu.

Fyrst og fremst grét ég þegar ég sá að ég þyrfti að borga 2000 krónupeninga til að fara á ball með.... hérna... hvað heita þeir.... Atómstöðin já! Með Borgfirðingsfýlupoka í fararbroddi. Guð minn!
Eeeeen, það er að segja ef maður fengi þá ánægju aðnjótandi að borga. Því þegar við komum í Valaskjálf var posinn í miðasölunni bilaður sem endranær! Og þarna var forstofan troðin af fólki sem ekki vissi betur, bíðandi eftir að fá að komast inn. Ég og mín frekja talaði við dyraverðina og spurði hvort það væri ekki hægt að gera eitthvað? Þeir þvertóku fyrir það, klöppuðu mér á öxlina og báðu mig um að róa mig. Rétt eins og ég væri haugölvaður Eiríkur sem vissi ekki þennan heim né annan. Þá bað ég bara vinsamlegast um að fá að tala við einhvern sem réði, þar eð ég sætti mig ekki við að hanga í forstofuskriflinu til 2, til þess eins að fá að borga 2000 krónupeninga. Þeir bentu aftur fyrir mig og sögðu þann mann ráða. Ég snéri mér við. Andskotans aularnir. Vísa mér á kokkskítinn. Sem er einmitt eins og hann hafi fengið pönnukökupönnu upp þvagrásina. Ég reyndi að tala við hann en hann talar bara sitt eigið tungumál, fávensku, og skildi mig ekkert. Sagði bara að þetta væri ekki hans vandamál ég gæti baaara beðið eins og hinir. Ég rétt tapaði mér, róaði mig samt niður, þar eð ég var ekki tilbúin að gista fangageymslur á jólunum, bara vegna krakkabjána.
Nú, seint og um síðir komst posinn í lag og við héldum inn í taumlausa gleðina! Það´var samt styttri gleði en við bjggumst við því á slaginu þrjú var húsinu lokað og fólk beðið um að yfigefa samkunduna. HA??? Ballið var auglýst til fjögur! Ég fór aftur að æsa mig og þetta skipti við sakleysis barþjón. Eða réttara sagt barafgreiðslumann, þar sem þjónusta hefur ekkert um málið að segja. Hann byrjaði á að segja ða þeir hefðu bara ekki vitað að þeir mættu bara hafa opið til 3. Núnú! "Og hversu lengi, sirka, hafið þið verið í þessum bransa?" S'iðar meir sagði hann að þeir hefðu bara æltað að loka húsinu kl.3 en leyfa fólki að vera til 4! Jahá.... Það værigaman að sjá hvað þeir laganna verðir, sérstaklega Hjalti ástin, segði ef þeir vissu að Valaskjálfsyndin reyna að brjóta lög vísvitandi.
Ég get allavega sagt þér að ég var mjööög æst. Myndirðu trúa því?
Svo komu áramót og við hjú, ásamt Pásenn og Ingunn sys, héldum askvaðandi á dansleik. Það var jú einu sinni frítt inn svo eins gott að gefa þeim séns. Ég komst fljótt að því hvað olli gjafmildi þeirra. "Tvo bjóra takk." "Já, það gera 2 þús krónur."
Hvur andkotans bévítans dauðans og djöfuls skítaplebba helvítis hórumangara staður er þetta eiginlega? Ég kross- og sótbölvaði, keypti meiri bjór og fór loks heim, hársár og ofurölvi. Setti mér annað áramótaheit og það er að ná hefndum áður en árið er liðið.

Eigi þið samt gleðilegt nýt ár og stay tuned því næst kemur Abba og eða Auður með rokna lesningu!

Hrafndís, stáááltaugar!

Þessi fallegi dagur :)

2004-12-22T03:58:00.000Z

Jæja... Við erum svooo ekki að standa okkur í þessu...

Málin standa einfaldlega þannig að ég er komin heim til mömmu. Það er ljúft. Hótel mamma er alltaf gott... massa gott :)
Það er samt sem áður margt sem þarf að gera... þar sem mamma er í veikindafríi og á að taka því rólega... og pabbi er voðalega handalaus eitthvað og þarfnast mikillar hjálpar þessa dagana:) En það er samt bara gaman að því og ég er bara glöð að geta hjálpað...hver hefur ekki gaman að því að henda í nokkrar smáköku tegundir, þrífa og svonna???
Prófin gengu bara vel... að minnsta kosti þangað til eitthvað annað kemur í ljós :) Veit samt að 4 eru staðin en ekki hversu vel og enskan er á reiki... en við vonum nú að þetta fari allt vel.
Ég hef eila ekkert sniðugt að segja ykkur... og ætla því að hætta þessu í bil... vonandi get ég komið með skemmtilega sögu næst... eitthvað spennandi... eitthvað krassandi... og ef til vill fyndið... hver veit?

En... Abba ammælisbarn kveður í bili ;)

Dæmalaust drepleiðinlegt....

2004-12-21T13:24:00.000Z

Jahérna hér!!!
Ég hélt að þessar stelpuskjátur gætu aukið á leti mína og bloggað og þá sæist ekki eins vel hvursu feimin og óframfærin ég er.
En nei!!! Þú situr sjálfsagt bara uppi með mig.
Það hefur sjálfsagt alveghellingur hellings hent mig síðan síðast en ég er löööngu búin að gleyma því. Það eina sem ég man er það sem pirrar mig.
T.d. þá var ég heima hjá Ömmu Sídu á Akureyri núna í nokkra daga. Það er nú ekkert merkilegt nema að ég er eitthvað væflast inn í eldhúsi þegar ég fæ sms!!! Ég stekk til á hraða ljóssins og beiti haukfránum augum mínum til að staðsetja símtækið. Þarna er það og ég gríp það leiftursnöggt og áður en ég veit af sæla mín fullkomnuð.... "opening sms..." Hvur andskot??? "Ég treysti á stuðning þinn í jólalagasamkeppni rásar 2. Kveðja "Eitthvaðnafnsemégmanekki" Sem betur fer því mikið hugsaði ég að ég ætlaði pottþétt EKKI að kjósa hann! Hvurslag andkostans dónaskapur er þetta? Það er eins gott að þú kjósir hann ekki heldur, þó svo að ég muni ekki nafnið! "Treysti á stuðning þinn" Já, gerðu það! En bara ef þú veist hvað ég heiti! Helvítis kallin! Ég hugsa að ein leiðin til að róa mig niður er að finna mér annað hugðarefni.
Eins og fram kom áður þá dvaldi ég nokkra daga hjá Ömmu. Bara svona til að gleðja hana.Ég hafði reyndar mjög gaman af líka.
Það var svo eitthvað annað sem ég upplifði í vikunni sem ég fékk gengdarlausar grænar yfir en get ómögulega munað hvað það var. En auðvitað læt ég þig vita um leið og ég man það... Ekki spurning.
Svo að lokum þá getiði séð hvar við fórum til Wictoríu (svona vildi hún víst láta rita nafn sitt þegar hún var ung pæja á Dósinni). Ég bið þig um að sýna mér vægð yfir þessari einu mynd sem er jú víst af mér. Njótið

Hrafndís, jólahvað og hvers vegna?

Jólahvað?

2004-12-06T16:00:00.000Z

Það flýgur hjá mér tíminn og það styttist óðum í skírn og ekki lengist til jóla. Samt hef ég mig ekki í að gera nokkurn skapaðan hlut...
Hér á heimilinu lifa herra og frú Kamfíló góðu lífi og halda stundum matarboð fyrir Ryk og Skít. Þar sem ég er alltaf á leiðinni að gera jólahreingerningu þá sé ég ekki tilgang með að þrífa og þess vegna er staðurinn orðinn kjörinn til svepparæktunar.
Án þess að blikna sef ég alla daga fram yfir hádegi og hef aldrei átt jafn góða og langa svefntíð þrátt fyrir hryllingsögur um svefnleysi eftir barnsburð.
En nú er kominn tími á úrbætur. Ég hef lofað sjálfri mér , guði og mömmu að á morgun hefjist tími aðgerða og úrlausna. Þá verður sko ekki tími til að blogga fyrir þig...

Hrafndís, er ég svona dugleg?

Hvar á ég að sofa segir prestur.....

2004-12-02T15:47:00.000Z

Panta prestinn, baka kökur, láta klára kjólinn, gera kort, senda kort, hverjum á að bjóða, hverjum á EKKI að bjóða....
Ji, ég vona að þetta verði í eina skiptið sem ég þarf að skíra. Þvílík kvöl og pína. Skipulag er það sem gildir núna og alger sneydd mín af því er að há mér örlítið. Þurfti t.d. að fara í viðtal í dag í Malarvinnslunni í sambandi við vinnu. Ekkert mál, ég vaknaði 20 mín áður en ég átti að mæta, vélaði mömmu um bílinn og fór. Einum og hálfum tíma síðar stakk ég af og brunaði heim því mamma var orðin oooof sein í vinnuna. Geri mér ekki stórkostlegar vonir um djobbið! :)
Núna er ég komin heim (ekki samt með glóðurauga) og hringdi í Sr. Bjarna. Hann vildir glaður sjá um málið. Verri sagan er samt með boðskortin. Ég er ekki mjög lagin að skrifa og finnst það eiginlega bara leiðinlegt. Svo ég harka í gegnum eitt og finn mér þá eitthvað annað að gera. T.d. blogga. Hvað kökur varðar ætla ég algelega að stóla á annara framlög. Það vill svo til að mér er vel við þetta fólk sem ég ætla að bjóða svo ég ætla að láta það vera að sýna snilli mína í eldhúsinu.

Best að huga að fleiri kortum....

Hrafndís, kannski betra að hringja?

Af eikeisittí...

2004-12-01T18:09:00.000Z

"Lellurnar" á eikei gera lítið annað þessa dagana en að lesa... Auður vinnur í því að lesa sig til og læra að klóna MIG :) Ég hamast við að skilgreina tilleiðslu- og orsakarök... setja fram tilgátur, prófa þær, reikna staðalfrávik og svona skemmtilegheit. Prófin eru komin á fullt og ég á allavega eftir að gera eitthvað minna fyrr en þau eru búin.
Ekkert meira að frétta þannig... karlmennirnir hafa ekkert verðið að slæðast hér inn, svo það er engin gifting í augsýn. Hehe
Allavega... þangað til næst... eigið ánægjulegar stundir

Abbalabbalá..............

Ha? Hver? Ég?

2004-12-01T15:11:00.000Z

Það er nú meiningin að þú fáir að líta allar okkar hugsjónir og drauma hér í gegnum þetta blogg og þú verður að sýna því skilning að það eru ekki allir á eitt sáttir með það. Ef þú treystir þér ekki að lesa lengri þá skil ég það alveg.

Ég nú samt ekki svo viss um að hér verði ritað á hverjum degi. Ég er óvirk í samfélaginu sem stendur vegna desemberleti (viðurkenndur sjúkdómur) og ég held að A-in tvö séu í bullandi prófum.

Ef þú sérð þér fært að láta vita af komu þinni þá er það vel þegið. Hér eru allskonar möguleikar í boði. Gestabók hér til vinstri, skrifborð til hægri og svo Kommentakerfi hér að neðan. Endilega láttu vaða þína dýpstu óra og hugsanir.

Bára Spottadóttir, sem endranær....

Þið vitið ekki hvað bíður ykkar...

2004-11-04T05:52:00.000Z

Þessi síða er enn í mótun en brátt mun hér flæða slúður, taumlaust tuð og endalausar lygasögur... bíði þið bara!

AHA

Bless Blogspot

Bloggleysi

Páskahelgin

Aldrei fór ég suður :)

Ein í höllinni!

Ljóð

Árshátíðin

Góð Helgi....

Borg óttans

Helgi dauðans

Kettir eru viðbjóður!

Titill smitill

Jæja þá....

Læt ekki mana mig oftar ;)

Titill smitill

Þorrablót eða hænsnahrat?

Hvað er málið.....

Árið 2005 :)

Þessi fallegi dagur :)

Dæmalaust drepleiðinlegt....

Jólahvað?

Hvar á ég að sofa segir prestur.....

Af eikeisittí...

Ha? Hver? Ég?

Þið vitið ekki hvað bíður ykkar...